Parsorion ni sibaen tangiang

Maol mura do martangiang. Adong do halak na malo makkatai, alai molo didok martangiang, tor bakkol do. Ai dang sarupa hata tangiang tu Debata dohot hata tu dongan jolma. Ninna na deba.

Disada tikki dipangido amanta Sittua ma ibana asa sibaen tangiang di partangiangan weik. Dijua, didok ”Hansit Pathu bah” ninna ibana. Sipata didok muse “Dang huboan kassamatakku”.  Huroa, dang haru piga hali ibana martangiang, ba, dijabu pe holan sakkababa hata do didok ”Ale Tuhan pasu-pasu sipanganon on, Amen” ninna, lao mangan. Datung lobi sian i. Dang tarjuasa, dung piga hali ditugan, gabe dioloi.

 ”Ai surathon hian di sele-sele ( red: harotas na metmet) i, aha naeng sitangiakkononmu, ba bukka ma nanget dung jonjong ho”  ninna NanJamordong ma mandok

Dioloi do tutu, disurathon ma remet-remet hata tanginang on di harotas. Diloppit ma gelleng, dungi disakkui.

Dapot ma tikkina, jonjong ma ibana, hut ma didok ”Hamuna akka dongan, ta pahohom ma, tapasada ma rohanta martangiang ma hita” ninna hut mokkol-okkol.

Naso panagaman ni roha, holan didok hata patujolo nakkinon, mate lampu. Ai somal do dihutai mate lampu listrik. Golap ma diahap amanJatikkos, akkahitir totna, hodohan. Dang boi dijaha hata tangiang nakkin. “Nga maup halak, Amen” ninna ibana gogo. Boha baenon manjaha sele-sele i, nga mate lappu?.

Asing muse do si Jatolhas.

Dimanogot ni ari minggu, lao marsipanganon nasida, ditugan simatuana ma ibana mambaen tangiang. Ai nda saminggu dope dung gabe hela ni AmanJatikkos ibana?.

“Baen hamu Amang Hela tangiang i”
Dang tarjuasa, dialusi ”Nauli amang”

“Martangiang ma hita,” ninna sip. Leleng.

Sai naeng didok, dang siboto aha nanaeng sidohononna. Saminit, dua minit tong dang adong hata. Ujungna didok ibana ma “Metmet au on, baen  ia rohakkon, Amen” ninna, di ingot tangiang ni sikkola minggu.

— o 0 o —

Sada tikki, dipartangiangan marga, di pangido ma asa OppuJatikkos mambaen tangiang. Dang tarjuasa, diolohon. Hehe ma ibana, dijalo mik hut disuarahon ma gogo “Hita saluhutna, Tapahohom ma martangiang ma hita” ninna.

“Ale, Tuhan Debata, Di banuaginjang ho dibanua tonga hami, Mauliate ma di HO. …ba.. sst..ats ..est..its..a sssi…..so.sas.sis.sess ssai…s..wwasadjhudadnfnf,..snsdnajsss  sss  ssss…ndfafmsfm…….” ninna marhusip-husip dang binoto manang aha didok. Gear jolma torop. Dung sappulima menit, ninna ibana ma muse “Onpe Ale Tuhan, Mauliate ma di Ho, Aaa….men!” ninna gogo.